Кака предизвика „земјотрес“ во Милано: Милан? Зошто да не!

Бразилецот најавува сензационално враќае во клубот каде што се прослави.

Прославениот Бразилец Кака неодамна го напушти Орландо откако му истече договорот, но најави дека не завршил со фудбалот.

„Сеуште размислувам за иднината и сеуште сум фудбалер“, изјави Кака.

Потоа тој најави можно враќање во Милан.

„Би сакал да продолжам да работам во фудбалот, без разлика дали како тренер или спортски директор. Можеби и во Милан, зошто да не. „Росонерите“ се во моето срце. Во овој момент немам договор со ниту еден клуб, но како што кажав се чуствувам како фудбалер и во наредните недели ќе одлучам каде ќе ја продолжам кариерата“, открива Кака.

Бразилецот потоа зборуваше за Нејмар, но и ривалството помеѓу Меси и Роналдо.

„Нејмар никогаш во кариерата не бил вака физички спремен, може да стане шампион на светот. Ривалството помеѓу Меси и Роналдо е големо, но медимите допринесуваат за такво нешто со тоа што знаат добро да ја „напумпаат“ секоја ситница“, заклучи Кака.