И Касано зборува за потенцијалното враќање на Ибрахимовиќ во Милан

За потенцијалното враќање на Златан Ибрахимовиќ во Милан се почесто се зборува.

Сезоната во МЛС лигата наскоро завршува, а Златан Ибрахимовиќ би можел да ја промени средината. Милан е заинтересиран, а сега Антонио Касано им порача на „росонерите“ дека воопшто не треба да размислуваат.

„Доколку јас сум во Милан, би го довел без размислување“, изјави Касано кој потоа потенцираше дека според него и тренерот на Милан, Џенардо Гатузо го дели сличното мислење.

„Доколку постои можност, мислам дека Гатузо веднаш би заминал кај него и би зборувал лично“, смета Касано.

Претходно ќе потсетиме, Мино Раиола изјави дека засега нема ништо, но дека е спремен да седне на маса и да преговара.