Карло Анчелоти е еден од главните кандидати за клупата на италијанската репрезентација, но тој моментално „игра на две карти“, пренесуваат италијанските медиуми.
Имено, Анчелоти во моментов преговара со Италијанската федерација и не ја одбива нивната понуда, но негова желба е сепак да води клуб од Премиер лигата.
До кога ќе дишеме отровен воздух!? | Уште еден поткаст
Медиумите тврдат дека Анчелоти чека предлози од страна на Челзи и Арсенал, каде Антонио Конте и Арсен Венгер изгледаат сигурни патници по крајот на сезоната.
Италијанецот очекува понуда од некој клуб од Премиер лигата и доколку пристигне до 20-ти мај, тогаш ќе се пресели на Островот. Во спротивно ќе седне на кормилото на италијанската репрезентација, која е во сериозна криза по изгубениот бараж за место на Мундијалот 2018.
58-годишниот Италијанец моментално е без работа, откако беше отпуштен од Баерн Минхен на почетокот на сезоната.
Учество во игри на среќа е дозволено за лица со 18+ години. Играј одговорно!