Италијанско дерби за Модриќ

Лука Модриќ најверојатно ја игра последната сезона во Реал Мадрид, но нема да стави крај на кариерата.

Модриќ веќе 10 сезони го носи дресот на Реал Мадрид и се етаблираше во еден од најважните и најтрофејни играчи во историјата на „кралскиот“ клуб.

Со оглед дека на истекот на договорот ќе има 37 години, најверојатно Хрватот ќе ја заврши авантурата во Мадрид на крајот на сезоната.

Силен интерес за него покажуваат италијанските гиганти Интер и Јувентус, кои сакаат да го донесат на лето во своите редови со оглед на фактот што игра на многу високо ниво.

Модриќ сака да ја заврши кариерата во Реал, но ако „кралевите“ не му понудат нов договор, тогаш е спремен да се пресели во Серија А.