Интер се насочува кон Миленковиќ

Примарна цел на Интер во летниот преоден рок ќе биде доведување на дефанзивец, пренесуваат италијанските медиуми.

„Нероаѕурите“ останаа без Ранокија, а поради финансиски причини најверојатно ќе биде продаден и Скриниар, за кого ПСЖ нуди 65 милиони евра.

Поради тоа Интер сака да доведе најмалку еден дефанзивец, а откако ја загубија битката за Бремер, сега се насочуваат кон Миленковиќ од Фиорентина.

Миленковиќ има договор до 2023 година со „виолетовите“ и Интер веќе започнал преговори, па се верува дека двата клуба ќе најдат заеднички јазик за трансфер вреден 15 милиони евра.