Дома Фудбал Иниеста со апел до Барселона: Не го продавајте Ракитиќ

Иниеста со апел до Барселона: Не го продавајте Ракитиќ

0

Легендата на Барселона, Андрес Иниеста во интервју за шпанска „Марка“ упати апел до раководството на каталонскиот клуб да го задржи Иван Ракитиќ.

Ракитиќ оваа сезона не е во плановите на тренерот Валверде, добива мала минутажа, па се погласи се шпекулациите дека ќе ја напушти Барселона.

За него интерес покажуваат неколку европски гиганти, а со оглед на фактот што Ракитиќ на лето влегува во последната година од договорот, Барселона е спремна да го продаде уште во јануари.

Легендарниот плејмејкер, Андрес Иниеста смета дека тоа би било голема гешка и го советува раководството да го задржи Хрватот.

„Јас да сум во Барселона не би го пуштил Ракитиќ. Тој игра одлично. Величествено е тоа што го прави сиве овие години. Годинава можеби не се истакнува како претходно, но тоа не значи дека не е врвен фудбалер“, изјави Иниеста. 

Иниеста призна дека исто така во текот на својата играчка кариера добивал повици од Мадрид и дека не е ништо ново за тоа дека Реал ги контактира најдобрите играчи на Барселона.

Кратко ја искоментира и ситуацијата за Нејмар истакнувајќи дека би било многу добро доколку се врати на Камп Ноу, но и дека не е сигурен како би се вклопил со моменталната напаѓачка линија на Барселона.

Коментари
Advertisements
Прочитајте поврзани статии
Load More In Фудбал

Проверете

Ангеловски: Резултатите потврдија дека оваа генерација е најдобра

Во последното квалификациско коло денес во Скопје го победивме Израел и оваа победа на Мак…