Заминуваат во јануари: Зидан „пречкрта“ двајца фудбалери

Шпанските медиуми пренесуваат дека двајца фудбалери би можеле да го напуштат Реал Мадрид во јануарскиот преоден рок бидејќи не се задоволни со малата минутажа.

Станува збор за хрватскиот репрезентативец, Матео Ковачиќ кој оваа сезона добива мала минутажа, па поради тоа е спремен да ја промени средината во јануарскиот преоден рок.

Како што пренесува „Марка“, Ковачиќ би можел да се врати во Италија, каде неколку клуба покажуваат интерес за него, а најсериозен во намерите е италијанскиот шампион Јувентус. „Старата дама“ сака да го донесе Хрватот во јануари за да ја зголеми конкуренцијата во средниот ред.

Ковачиќ оваа сезона одигра само три натпревари, и тоа од клупата, или вкупно 71 минута. Тоа секако не е доволно за фудбалер кој сака да биде во добра форма за Мундијалот.

Исто така се шпекулира дека Реал би можел да го напушти и Дани Себаљос кој ова лето пристигна на „Сантиаго Бернабеу“ од Бетис.

Себаљос не може да се избори со жестоката конкуренција во „кралскиот“ клуб, па најверојатно ќе биде испратен на позајмица.