Дончиќ со жестоки критики за раководството на НБА лигата

Кошаркарот на Далас маверикс, Лука Дончиќ има одличен почеток на сезоната во НБА-лигата, но и покрај тоа реши да удри по раководството на лигата.

Дончиќ ја критикуваше НБА поради новиот Куп.

Словенецот вели дека проблем се терените кои се обоени поинаку, а тоа им прави проблем на навивачите, но и на кошаркарите.

„Паркетот беше лош и на некои места топката воопшто не отскокнуваше.

Теренот е лизгав и можни се повреди. Ако инсистирате на такви подлоги, направете ги да бидат како што треба“, вели Дончиќ.