Ди Марија откри кој е најлошиот тренер во неговата кариера

Aргентинецот, Анхел Ди Марија нема проблем јавно да зборува за неговото лошо искуство во Манчестер Јунајтед каде што вели дека работел со најлошиот тренер во неговата кариера.

Станува збор за Луис Ван Гал кој во тој период го водеше Јунајтед. Иако поминаа десет години од нивната соработка, Аргентинецот не заборава што се случувало на „Олд Трафорд“.

„Луис Ван Гал е најлошиот тренер кој некогаш сум го имал, никогаш нема да се уморам од повторување на тоа“, искоментира Ди Марија.

Потсети Аргентинецот и дека Аргентина ја исфрли Холандија на пенали.

„Ги победивме на пенали, иако тој кажа дека нема да го направиме тоа, се правеше дека знае се. На крајот да кажеме дека си „изеде“ своите зборови“, не штедеше критики Ди Марија.

Под водство на Ван Гал, Ди Марија одигра 32 натпревари и постигна само четири гола.