Гризман откри каде сака да игра после Барселона

Напаѓачот на Барселона и репрезентацијата на Франција, Антоан Гризман откри дека нема намера да го напушти „Камп Ноу“, барем не во овој преоден рок.

Плановите на Гризман се уште некоја сезона да игра за Барселона, а потоа да се пресели во САД.

„Имам договор со Барселона уште три години и мислам дека после тоа најдобро би било да одам во САД. Ми се допаѓа Америка и нивната култура, сакам да следам и НБА. Навистина ме привлекува животот таму, затоа би можел да ја завршам кариерата во МЛС лигата“, изјави Гризман.

Во Барселона пристигнаа Мемфис Депај и Серхио Агуеро па во нападот на Каталонците сигурно ќе има голема конкуренција.