Гвардиола: Останувам во Сити и следната година, после ќе видиме

Тренерот на Манчестер Сити, Пеп Гвардиола потврди дека и следната сезона сигурно ќе остане на „Етихад“.

Гвардиола пристигна во Манчестер Сити во 2016 година и оваа сезона бележи неверојатни резултати со „граѓаните“.

Во последно време многу се шпекулира за неговата иднина, а Гвардиола потврди дека наредната сезона сигурно ќе остане во Манчестер Сити.

„Ќе бидам овде уште една сезона, а потоа ќе видиме. Се зависи од тоа дали ќе победуваме или не и дали ќе заслужам продолжување на договорот. Овде сум навистина многу среќен, но за да останеш долго време во голем клуб мораш да победуваш“, изјави Гвардиола.

Голема улога во неговиот престој на „Етихад“ сигурно ќе има и Лигата на шампиони, што е главна цел на сопствениците на Манчестер Сити.