Во Јунајтед следи реконструкција, Пендаровски се пофали дека ги знае засилувањата

Претседателот Стево Пендаровски објави дека се сретнал со сопственикот на Манчестер Јунајтед, Аврам Глејзер во Давос на Светскиот економски форум.

Пендаровски откри дека со Глејзер зборувале за Кристиано Роналдо, но и за новите засилувања на Манчестер Јунајтед.

„Со сопственикот на Манчестер Јунајтед разговаравме за подемот на македонскиот репрезентативен фудбал и квалитетот на нашите фудбалери. Зборувавме и за Роналдо, несомнено еден од најдобрите во светот. Ја имав честа од прва рака да чујам за неговиот иден статус и за најновите засилувања во клубот“, напиша Пендаровски.