Вака ќе изгледа новиот „Сантиаго Бернабеу“

Реал Мадрид ќе вложи 400 милиони евра во реновирање на стадионот „Сантијаго Бернабеу“, откако претседателот Флорентино Перез конечно доби дозволи од градските власти за реализација на овој проект.

Работите на реконструкцијата на стадионот ќе започнат наредната година, а се очекува да завршат до 2020 година. Капацитетот на стадионот ќе остане ист, но ќе добие нова фасада и подвижен кров.

„Ова ќе биде една драматична модернизација и трансформација на стадионот Сантијаго Бернабеу. Овој стадион е еден од заштитните симболи на градот Мадрид и со реновирањето т ој ќе стане еден од најдобрите стадиони во светот и симбол на силата на нашиот град”, изјави Флорентино Перез.