Беше голема ѕвезда и стана најголемото промашување на Реал. Се пензионира на 32 години?

Еден АЗАР е подготвен да стави крај на кариерата и да се пензионира, пишуваат англиските медиуми.

Некогаш голема ѕвезда на Челзи и Премиер лигата, потоа играч кој го нарекуваа најголемото промашување во историјата на Реал Мадрид, денес овој 32-годишен играч е без клуб.

Азар наводно има понуда да се приклучи на колонијата на ѕвезди во Саудиска Арабија, односно Кристијано Роналдо и Марсело Брозовиќ во Ал Наср.

Според англиските медиуми, интерес пројавува и Кристал Палас, но се тврди дека неговите мисли се насочени кон потивок живот.

Многумина го окарактеризираа Азар како најголем неуспех во историјата на Реал Мадрид затоа што шпанскиот гигант за него одвои рекордни 115 милиони евра за трансферот од Челзи во 2019 година и издвои уште 30 милиони за неговата плата.

За возврат од него доби само 76 натпревари, седум гола и 12 асистенции.