Белингам веќе го избрал следниот клуб

Џуд Белингам е еден од најбараните фудбалери на трансфер пазарот и на лето се очекува голема битка за неговиот потпис.

Ливерпул, Реал Мадрид, Манчестер Јунајтед и Челзи се силно заинтересирани за неговиот потпис, а Борусија за неговата слобода на лето ќе бара 150 милиони евра.

Споменатите клубови нема да жалат пари за неговиот потпис, но англискиот талент веќе го избрал следниот клуб.

„Марка“ пренесува дека Белингам сака да ја продолжи кариерата во Реал Мадрид, а „кралевите“ веќе го подготвуваат теренот за негов трансфер.

Весникот пренесува дека Англичанецот ќе биде главна трансфер цел на Реал за јуни 2023 година и дека ќе се обидат да го договорат трансферот уште во јануари.

Белгинам е спремен да ги одбие англиските клубови, бидејќи сака кариерата да ја продолжи на „Сантиаго Бернабеу“.