Бартомеу и друштвото повторно не одработија добро: Зошто Барса остана без Депај и Гарсија?

Во вчерашниот, последен ден на трансфер пазарот голем губитник е екипата на Барселона.

Шпанскиот гигант не успеа да ги доведе фудбалерите кои подолго време беа на нивна мета, Мемфис Депај и Ерик Гарсија. Спортскиот директор на Лион, Жунињо потврди и дека Барса има договор со Депај, но сепак не се пронајде договор помеѓу клубовите.

Покрај Депај мета на Барселона беше и Ерик Гарсија од Манчестер Сити. Тука исто беше проблемот договорот помеѓу клубовите. Разликата во она што Барса го нудеше и Сити што го бараше беше осум милиони евра и „граѓаните“ не попуштија. Гарсија на Барса сега би можел да и се придружи идното лето кога му завршува договорот.