
Интер Мајами остана без простор за грешка во плејофот на МЛС. Актуелниот шампион загуби со 3:0 од Колумбус Кру, во натпревар што донесе и спорна ситуација со Лионел Меси во главната улога.
Пред крајот на првото полувреме, Аргентинецот при изведување аут ја фрли топката во лицето на Гонзало Тапија. Судијата Ален Чепмен им покажа жолти картони на двајцата, но со тоа не се согласи тренерот на Колумбус, Лорен Куртоа, кој сметаше дека Меси заслужил црвен картон.
Lionel Messi takes a throw-in off Gonzalo Tapia’s face https://t.co/jX3tTuojHe— Tom Bogert (@tombogert) November 22, 2026
Чепмен подоцна ја образложи својата процена: според него, употребената сила била незначителна и постапката не го достигнала прагот за насилничко однесување, поради што не досудил директно исклучување.
Lionel Messi y Gonzalo Tapia recibieron tarjeta amarilla después de esta acción en la banda. (vía @MLS por Apple TV) https://t.co/kvMAjakAUv— ESPN Deportes (@ESPNDeportes) November 22, 2026
Во моментот на инцидентот, Мајами веќе играше со фудбалер помалку и имаше негатива од 1:0. Предноста на Колумбус му ја донесе токму Тапија, кој беше прецизен од пенал.
Ниту продолжението не донесе пресврт за тимот на Меси. Таха Хабрун зголеми на 2:0, а Тапија со својот втор гол го заокружи убедливиот триумф на Колумбус.
Следниот натпревар може да биде и последен за Интер Мајами во овој плејоф. Серијата се игра до две победи, а Колумбус веќе следниот петок, пред својата публика во Охајо, ќе има можност да го елиминира бранителот на титулата. На Мајами му е неопходна победа за да остане во игра.