Барселона сепак без Меси против Бетис

Објавено на 12:47, 25 август

Барселона вечерва го пречекува Бетис во рамките на 2-то коло од Примера, но каталонскиот гигант ќе биде значително ослабен за овој дуел.

Тренерот Валверде нема да може да смета на повредениот Луис Суарез, а иако се очекуваше дека ќе биде повикан, сепак на крајот Лионел Меси не е во групата играчи за овој меч.

Аргентинецот веќе два дена тренира заедно со остатокот до тимот, но не успеа целосно да се опорави за овој меч.

Исто така во составот го нема ниту Осман Дембеле кој продолжува да се опоравува од повредата, па Валверде во списокот го стави 16-годишниот напаѓач Ансу Фати.

Еве ги играчите кои ќе се обидат на Барселона да и ја донесет првата победа во новата сезона: Тер Штеген, Пења, Семедо, Пике, Лангл, Алба, Умтити, Фирпо, Ракитиќ, Бускетс, Артур, Рафиња, Роберто, Де Јонг, Видал, Гризман и Фати.