Барселона и Јунајтед си пуштија рака, се чека конечен одговор од Де Јонг

Манчестер Јунајтед и Барселона постигнале конечен договор за трансфер на Френки де Јонг, пренесуваат шпанските медиуми.

Евентуалниот трансфер ќе биде тежок 65 милиони евра и додатни 20 милиони евра во формата на бонуси.

Вчера во Барселона пристигна извршниот директор на „црвените ѓаволи“ Ричард Арнолд и спортскиот директор Џон Марто на финални преговори со директорите на Барса.

На средбата двете страни ги договориле сите детали и си пуштиле рака, но медиумите тврдат дека Де Јонг се уште не дал „зелено светло“ за трансферот.

Од „Олд Трафорд“ се надеваат дека ќе го комплетираат трансферот до крајот на неделата, но Холанѓанецот се уште не е убеден дали да се пресели во Манчестер бидејќи сака да игра во Лигата на шампиони.

💣💣 EL UNITED en Barcelona 💣💣

El CEO y el director de futbol se han reunido con el FCB ( Mateu Alemany, Rafa Yuste y Jordi Cruyff ) #mercato @JijantesFC @juliclaramunt @monfortcarlos @CarlosOdriguez 👏🏻👏🏻 pic.twitter.com/0G3e19Zwzk

— Gerard Romero (@gerardromero) July 11, 2022