Арсенал започна преговори со Кутињо

Откако Баерн Минхен и официјално ја отфрли можноста да го откупи Филипе Кутињо, неколку клуба застанаа во ред за ѕвездата на Барселона.

Меѓу нив е и Арсенал, кој според англиските медиуми веќе започнал преговори со агентот на Кутињо, бидејќи тренерот Артета го сака по секоја цена Бразилецот во својот тим.

Кутињо го напушти Ливерпул во 2018 година и се пресели во Барселона, но на „Камп Ноу“ никогаш не го покажа својот полн потенцијал, а и авантурата во Минхен не заврши добро.

Арсенал е подготвен да го купи Кутињо но многу работите ќе се зависи од тоа дали Барселона ќе ја спушти цената под 100 милиони евра.

Кутињо најверојатно од следната сезона повторно ќе го гледаме во Премиер лигата бидејќи покрај Арсенал за него интерес покажуваат уште Манчестер Јунајтед, Челзи и Њукасл.