Алиоски: Тренираме и шест часа дневно, но Премиер лигата се уште е далеку

Алиоски со својот Лидс е на добар пат да изборат промоција во англиската Премиер лигата наредната сезона.

Лидс е клуб со голема историја, но веќе цела деценија не успева да се врати помеѓу најдобрите во Англија, а оваа сезона засега е блиску до таа цел.

Нашиот Алиоски игра променливо во Лидс, некогаш доби критики, некогаш пофалби, но најважно е што кај тренерот Марсело Биелса е стандарден. Новата година Алиоски ја започна со погодок и асистенција.

Алиоски открива дека со Биелса тренираат по чест часа дневно.

„За Премиер лигата е рано да се зборува, одигравме 27 натпревари и има долг пат пред нас. Но, во она што сум сигурен е дека никој не тренира повеќе од нас. Работиме навистина напорно за да ја оствариме целта. Во еден ден тренираме и по пет-шест часа“, изјави Алиоски.