Јунајтед и Арсенал во битка за Албанецот од Наполи

Италијанските медиуми пренесуваат дека Манчестер Јунајтед и Арсенал на лето ќе водат битка за потписот на дефанзивецот на Наполи, Елсеид Хисај.

Хисај игра фантастична сезона во дресот на Наполи и се промовираше во еден од најдобрите десни бекови во Серија А, па го привлече вниманието на многу европски гиганти.

„Тутоспорт“ пренесува дека Манчестер Јунајтед и Арсенал покажуваат насилен интерес за албанскиот репрезентативец, а трансферот би можел да изнесува 50 милиони евра.

Имено, толку изнесува откупната клаузула во неговиот договор, а наводно овие два клуба се спремни да ја активираат.

24-годишниот Хисај пристигна од Емполи заедно со тренерот Сари за 5 милиони евра, па ова сигурно ќе биде одлична зделка за Наполи.