Јовиќ: Треба да играме борбено и да не се штедиме!

Ракометарите на Металург во СЕХА лигата по пет одиграни натпревари имаат две победи и три порази, а во среда го пречекуваат словенечкиот тим Горење Велење, која се наоѓа зад Металург на табелата.

Александар Јовиќ пред натпреварот истакна дека целта е тимот да игра подобро, но во исто време играчите да уживаат во играта.

„Претстојниот натпревар со екипата на Горење е последен пред Неделата на ЕХФ и е тест за нашите поставени цели. Наша примарна цел во оваа фаза од сезоната е да играме се подобро и се поборбено во од натпревар во натпревар. Треба да си помагаме еден на друг и да не го штедиме своето тело, бидејќи само така можеме да ја придобиеме публиката, која знае да процени дали една екипа игра борбено. Во напад треба да играме до конретна шанса за удар, а со тоа се почитуваме самите себе, го почитуваме клубот и ја почитуваме публиката. Резултатот ни е во втор план“, истакна Јовиќ кој го предводи тимот во отсуство на Червар.