Јунајтед испадна на пенали од ФА Купот. Извлечени се и двојките за четвртфиналето

Фудбалерите на Фулам се квалификуваа во четвртфиналето на ФА Купот откако со подобро изведување пенали на Олд Трафорд го совладаа бранителот на титулата Манчестер Јунајтед со 4:3. Натпреварот заврши 1:1. Гостите поведоа во судиското продолжение од првото полувреме со голот на Калвин Беси, а израмни Бруно Фернандес во 71. минута.

При изведувањето на пеналите, херој стана гостинскиот голман Бернд Лено кој ги одбрани ударите на Виктор Линделоф и Џошуa Зиркзе. Првите три серии поминаа без промашување. За Јунајтед постигнаа Бруно Фернандес, Диого Далот и Каземиро, а на спротивната страна Раул Хименес, Сандер Берге и Вилијан. Во четвртата серија Лено го одбрани ударот на Линделоф, потоа Антони Робинсон постигна 4:3, а приказната ја заврши германскиот голман кој одбрани удар на Зиркзе.

Ждрепка за четвртфиналето:

Веднаш по натпреварот меѓу Јунајтед и Фулам беше извршено и жребувањето за четвртфиналните двојки, кои се следни:

Фулам – Кристал Палас
Престон – Астон Вила
Борнмут – Манчестер Сити
Брајтон – Нотингем Форест / Ипсвич