Ѕвездата на Ајакс префрлен во болница поради проблеми со срцето

Дефанзивецот на холандскиот гигант Ајакс, Дејли Блинд, утрово бил префрлен во болница, каде му било дијагностицирано дека има воспаление на срцевиот мускул.

Блинд одреден период ќе мора да остане во болница, што значи дека ги пропушти подготовките на Ајакс за продолжение на сезоната и неизвесно е кога ќе се врати на тренинг.

29-годишниот фудбалер, по објавата дека е во болница, се огласи на социјалните мрежи и им се заблагодари на сите за пораките со поддршка и негова желба е да се врати што е можно побрзо на теренот.

Блинд е дете од школата на Ајакс. Во 2008 година дебитираше за гигантот од Амстердам, каде остана до 2014 година. Потоа направи трансфер во Манчестер Јунајтед, а после четири сезони се врати во Амстердам.

Thank you all ?? pic.twitter.com/7Z32bcwb5X

— Daley Blind (@BlindDaley) December 21, 2019