Ѓоковиќ рутински во четвртфинале во Париз

Новаќ Ѓоковиќ обезбеди пласман меѓу најдобрите осум тенисери на Мастерсот во Париз, откако во два сета со 7:6,6:1 во осминафиналето го совлада Британецот Кајл Едмунд.

Во првиот сет и двајцата тенисери беа перфектни на свој сервис, па се играше тајбрејк, кој го доби Ѓоковиќ, со 9-7.

Во вториот сет, српскиот тенисер заигра на очекуваното ниво и со два брејка го реши сетот со 6:1, и се пласираше во четвртфинале каде ќе игра со Циципас.

На турниот во Париз внимание привлече и дуелот на  Григор Димитров против Австриецот Тим, кој бугаринот со извонредна игра го доби со 2-0.