„Што и да се случи за две години Меси ќе си замине од Европа“

Иднината на Лионел Меси во Барселона се уште не е позната.

Договорот на аргентинската ѕвезда со каталонскиот гигант истекува на крајот од сезоната, а новиот претседател на Барселона, Жоан Лапорта прави се за да го убеди Лео да го продолжи договорот.
Преговорите за новиот договор наскоро ќе започнат.

Новинарот на „Кадена СЕР“, Хозе Антонио Понсети тврди дека без оглед на тоа што ќе се случи и каков исход ќе имаат истите, Меси во Европа ќе игра уште две години.

„Што и да се случи во преговорите Меси уште две години ќе игра во Европа, потоа се сели во Интер Мајами. Во овој момент шансите за заминување и останување се 50-50“, истакна Понсети.

Навивачите очекуваат Меси да остане во клубот откако имаше промена на раководството.