Шпански репрезентативец пристигнува на Сан Сиро

Италијанските медиуми пренесуваат дека Милан е пред комплетирање на трансферот на играчот за врска на Еспањол, Марк Рока.

Рока има 23 години, одигра одлична сезона во Еспањол и го привлече вниманието на многу европски гиганти како Реал Мадрид и Баерн Минхен.

Играчот има откупна клаузула од 40 милиони евра, но после испаѓањето во втора лига цената на Рока падна. Милан е во завршни преговори и се очекува во наредните денови да се комплетира трансферот за 20 милиони евра.

Рока важи за еден од најголемите шпански таленти и може да игра на сите позиции во средниот ред, па сигурно ќе биде големо засилување за Пиоли.