Хендерсон експресно се враќа во Европа

Англискиот фудбалер Џордан Хендерсон минатото лето потпиша договор со Ал-Етифак, но експресно може да ја напушти Саудиска Арабија.

Поранешниот капитен на Ливерпул не е среќен во Саудиска Арабија и сака да се врати во Европа.

Англичанецот се понудил на неколку европски клубови, меѓу кои Баерн Минхен и Баер Леверкузен.

 33-годишниот фудбалер е голема желба на Ајакс, кој имаше лош старт на сезоната и сака да ја искористи ситуацијата и да го доведе Хендерсон во Амстердам.