Фудбалери купени за „ситни“ пари, а станаа ѕвезди!

Ливерпул од почетокот на оваа година вложи многу пари за нови засилувања и со доведувањето на Ван Дијк и Алисон ги соборија рекордите за наскап дефанзивец и најскап голман во историјата.

Меѓутоа, треба да се додаде и тоа дека во јануари Ливерпул инкасираше 160 милиони евра од продажбата на Кутињо во Барселона. Покрај Ван Дијк и Алисон на „Енфилд“ ова лето пристигнаа уште Набу Кеита (52 милиони фунти) и Фабињо (43 милиони фунти).

Сепак, „црвените“ во минатото покажаа дека знаат да донесат неверојатни засилувања за малку пари, а во некои случаи и бесплатно.

Секако, меѓу најважните се Филипе Кутињо кој беше купен „само“ 10 милиони фунти. Потоа Џејмс Милнер кој дојде како слободен играч, но и Мохамед Салах кој беше платен 50 милиони евра, а во моментов неговата цена изнесува 200 милиони евра.

Меѓу добрите трансфери секако треба да се спомене и тој на Луис Суарез кој пристигна за 22 милиони евра, а беше продаден во Барселона за 80 милиони евра.