Фиорентина постави астрономска цена за Влаховиќ

Фиорентина потврди дека Душан Влаховиќ одбил да потпише нов договор со „виолетовите“ и на лето ќе го напушти клубот.

Влаховиќ има договор со Фиорентина до 2023 година и на лето ќе влезе во последната година од договорот, а одби да стане најплатен фудбалер во историјата на клубот.

Битката за неговиот потпис веќе започна, но Фиорентина ги шокира заинтересираните клубови со астрономската цена која ја постави.

Според „Газета Дело Спорт“ клубот за неговата слобода бара 90 милиони евра, сума која тешко дека некој клуб ќе ја плати.

Најсилен интерес за Србинот покажуваат Јувентус и Атлетико Мадрид кои се спремни да понудат 60 милиони евра.