Фајнал-фор: Данци ќе му судат на Кире, Исланѓани на Вардар

Избрани се судиите за сите четири натпревари на завршниот турнир на ЕХФ во Лигата на шампионите.

Фајнал-форот во кој ќе учествува и Вардар оваа година ќе се игра на 26 и 27 мај, а целата македонска спортска јавност се надева дека Вардар ќе ја одбрани титулата освоена минатата година.

Полуфиналните натпревари на програмата се во сабота. Прво во треминот од 15:15 часот ќе се сретнат ПСЖ и Нант на Кире Лазаров, додека во 18:00 часот Вардар ќе игра против Монпелје.

Правдата во француската пресметка ќе ја делат Данците Гедниг и Хансен, а на натпреварот на Вардар ќе судат Исланѓаните Елиасон и Палсон.

Натпреварот за третото место ќе го судат Словенците Лах и Сок, а големото финале Оскар Ралуј Лопез и Сабросо Рамирез.