Трипл-дабл на Дончиќ во тексашкото дерби, Јокиќ го водеше Денвер до триумф против Минесота

Eкипата на Далас со 113:107 беше подобра од Сан Антонио, а Лука Дончиќ одново беше најдобар на теренот запишувајќи трипл-дабл.

Битката во дербито на Тексас беше изедначена, двете екипи се менуваа во водство за на крајот да слави Далас.

Натпреварот Дончиќ го заврши со 18 поени, 16 асистенции и 10 скокови. Поентерски најрасположен кај Далас беше Кајри Ирвинг со 28 поени, додека Антони Џонс уфрли 22 поени, Вембанјама го заврши натпреварот со 12 поени и 11 скокови.

Победа забележа и Денвер со Никола Јокиќ. Актуелниот шампион со 115:112 славеше над Минесота. Двете екипи во мечот влегоа со идентичен скор од 47 победи и 21 пораз. На крајот Денвер покажа зошто е шампион и предводен од Јокиќ дојде до победата.

Јокиќ одигра уште еден одличен натпревар со 35 поени и 16 скока. Едвардс за Минесота уфрли 30.

НБА РЕЗУЛТАТИ:

Орландо – Шарлот 112-92
Вашингтон – Хјустон 114-137
Бруклин – Њу Орлеанс 91-104
Сан Антонио – Далас 107-113
Минесота – Денвер 112-115