Трансферот на Џеко во Јувентус е пред реализација!

Трансферот на Един Џеко во Јувентус е се поизвесен, така барем тврди експертот за трансфери, Џанлука Ди Марцио.

Скоро еден месец низ италијанските медиуми се шпекулира за Џеко, но изгледа дека на тие шпекулации им се ближи крајот. Ди Марцио важи за човек од доверба кога се трансферите во прашање. Тој сега тврди дека од трансфер во Јувентус Џеко го делат само ситници.

Според неговите информации Џеко ќе потпише Јувентус штом за Рома ќе потпише Аркадиуш Милик од Наполи.

Наводно, Рома и Наполи ги договориле условите, Наполи ќе добие 25 милиони евра и Милик ќе се пресели во Рома со што се отвара патот за Џеко во Јувентус.

Се проценува дека Рома со бонусите ќе инкасира околу 12 милиони евра.

#ASRoma, intesa col #Napoli per #Milik: ora potrebbe liberarsi #Dzeko per la Juventus. I dettagli ?https://t.co/21DIHEcTeO

— Gianluca Di Marzio (@DiMarzio) September 14, 2020