Тер Штеген го продолжи договорот со Барса, но погледнете колку изнесува НЕВЕРОЈАТНАТА клаузула

Германскиот голман, Марк-Андре Тер Штеген потпиша нов петгодишен договор со Барселона.

Овој 25-годишен голман денеска ја продолжи соработката со каталонскиот гигант за пет години и на „Камп Ноу“ ќе остане до летото 2022. година. Но, клаузулата која ја има во договорот е навистина огромна. Сите оние кои би го сакале во своите редови, на Барса ќе треба да им исплатат неверојатни 180 милиони евра.

Тер Штеген е член на Барселона од 2014. година. Сепак, во клубот беше резерва на Клаудио Браво и шанса добиваше на натпреварите во Купот и во Лигата на Шампионите.

Со заминувањето на Чилеанецот минатата година, Тер Штеген стана прв голман и оваа сезона настапи на 46 натпревари. Прими 47 гола, а 17 пати успеа да ја сочува мрежата. Пред Барселона, го носеше дресот на Борусија Менхенгладбах.