Таткото на Халанд ја откри следната дестинација на голгетерот!

Ерлинг Халанд оваа сезона ја воодушеви фудбалска Европа и неговио трансфер во Борусија Дортмунд се покажа како вистински погодок за „милионерите“.

Халанд на само девет натпревари за Дортмунд постигна 12 гола, па уште сега се шпекулира дека нема долго време да остане во тој клуб.

Европските гиганти ги следат неговите настапи, а медиумите тврдат дека во трката за неговиот потпис влегле и шпанските гиганти Реал Мадрид и Барселона.

Таткото на Норвежанецот ги разгоре шпекулациите откако изјави дека шпанската Примера би била најдобра за Халанд.

„Мојот син го поврзуваат со повеќе клубови, но знам дека Примера би била најдобар избор за него. Таму има одлични тимови и мислам дека ќе се снајде добро“, изјави таткото на Халанд.