Спектакл од 7 голови за продолжение на бајката на Џирона (ВИДЕО)

Џирона го победи Атлетико Мадрид со 4:3 во најдобриот натпревар од 19. коло на шпанскиот шампионат и со тоа го задржа чекорот со Реал Мадрид во поредокот.

Во првото полувреме беа постигнати пет гола. Валери, Савио и Дејли Блинд погодија за Џирона, додека Алваро Мората постигна два гола за Атлетико.

Центарфорот на Атлетико го комплетираше хет-трикот со гол во 54. минута за 3:3, но тука не беше крајот.

Иван Мартин погоди во 91. минута за победа на Џирона од 4:3.

Така Џирона со 48 бода повторно се израмни со лидерот Реал Мадрид кој на домашен терен ја победи Мајорка со 1:0.