Сонародникот со пофални зборови: Мартинез е комбинација на Игуаин и Икарди

Како што е познато Интер го обезбеди потписот на аргентинскиот напаѓач, Лаутаро Мартинез, а неговиот сонародник и човек кој долги години го носеше дресот на „нероаѕуите“ за него има пофални зборови.

Според Естебан Камбијасо, Лаутаро Мартинез е фудбалер кој е како комбинација на Гоназало Игуаин и Мауро Икарди.

„Мартинез ќе биде големо засилување. Тој е нешто помеѓу Игуаин и Икарди“, истакна Аргентинецот.

Потоа новинарите го запрашаа дали Мартинез би можел да игра заедно со Икарди.

„Убеден сум дека можат. Добрите играчи секогаш знаат како да играат заедно. Мислам дека на Икарди и тоа како би му одговарало да го има Мартинез покрај себе“, заклучи поранешниот репрезентативец на Аргентина.