„Сите сакаат нешто да кажат затоа што Реал е најголем клуб во историјата“

Тренерот на Реал Мадрид истакна дека повеќе не го интересираат приказните дека неговиот тим победува благодарение на судиите.

„Кралевите“ на последните три натпревари добиваа пенали и поради тоа во Шпанија се води голема полемика за употребата на ВАР.

„Не ме интересира што другите зборуваат. Наша работа е да покажеме колку сме добри. Сите сакаат нешто да кажат затоа што Реал е најголем клуб во историјата и тоа нема да се промени. Секој има право на свое мислење и нема да дозволам тоа да влијае на мене. Ние сме задолжени за она што се случува на теренот. За мене најважен е трудот на моите играчи“, изјави Зидан.

Реал Мадрид во овој момент е првпласиран на табелата во Ла Лига со бод повеќе и натпревар помалку од Барселона.