Синоќа светот го виде најсовршениот волеј во историјата, луѓето на трибините се држеа за глава

Њуелс Олд Бојс и Гимнасија одиграа одличен натпревар синоќа во 22. коло од аргентинската Професионална лига каде видовме дури четири гола, но целиот свет утринава зборува за еден спектакуларен гол.

Гимнасија фантастично го отвори натпреварот во Росарио и по 25 минути игра гостите водеа со 2:0. Најпрвин Домингез во 11. минута погоди за 1:0, додека 14 минути подоцна Тарагона го удвои водството на Гимнасија.

Њуелс успеа да се врати во игра пред крајот на првото полувреме кога Ортиз постигна феноменален гол во 36. минута, а на семафорот стоеше 1:2.

Но, главната тема на овој натпревар е неверојатниот Лисандро Монтенегро кој го постигна голот на својот живот во второто полувреме.

Монтенегро влезе на теренот во 21. минута кога Гомез се повреди, а Габриел Хајнце реши да го стави овој 20-годишник на теренот и тоа се покажа како најдобар можен потег.

Во продолжение Њуелс со сите сили се обидуваше да израмни и да направи пресврт, а Гимнасија едноставно не успеа да се одбрани.

Домашните израмнија во 57. минута кога го видовме еден од најубавите голови досега. Тица одлично асистираше за Монтенегро, кој постигна спектакуларен гол за конечни 2:2.

😲🚀 Lisandro Montenegro with one of the goals of the season to equalise for Newell's! What a hit, son, what a hit ❤️🖤 pic.twitter.com/NhKG7bhwpU

— Newell's Old Boys – English (@Newells_en) July 4, 2023