Симеоне кажа ДА – става потпис на нов договор со Атлетико!

Шпанскиот весник „АС“ ексклузивно пренесува дека Диего Симеоне наскоро ќе ја продолжи соработката со Атлетико Мадрид.

Аргентинскиот тренер ја прифатил понудта на раководството на Атлетико за продолжување на соработката и ќе остане на „Ванда Метропилитано“ до 2021 година.

Актуелниот договор на Симеоне истекува во 2020 година, а интерес за неговиот потпис покажуваат неколку европски гиганти.

Поради тоа Атлетико реши да му понуди нов договор, со подобри финансиски услови, а Симеоне се согласил да ја продолжи верноста со „јорганџиите“.

Симеоне седна на кормилото на Атлетико во 2011 година и од тогаш со голем успех ги води „јорганџиите“.