Сари пристигна, Кедира и Манџукиќ ги спакуваа куферите

Пристигнувањето на новиот тренер Маурицио Сари во Јувентус се чини дека става крај на престојот во клубот на неколку фудбалери.

Први кои ќе ги спакуваат куферите се играчот за врска Сами Кедира и напаѓачот Марио Манџукиќ.

Италијанските медиуми пренесуваат дека Сари им порачал на споменатите фудбалери дека не влегуваат во неговите планови и слободно можат да си бараат нови клубови.

33-годишниот хрватски репрезентативец беше „миленик“ на Алегри и еден од најважните играчи во неговиот тим, па неодамна го продолжи договорот.

Што се однесува до Кедира, тој имаше проблем со повредите и минатата сезона одигра само 17 натпревари. Наводно Германецот е спремен спогодбено да го раскине договорот со Јувентус и да се пресели во МЛС лигата.

Maurizio Sarri's arrival at Juventus spells the end of Sami Khedira's time at the club. (Source: Calciomercato) pic.twitter.com/rEa8uwkcyG

— Transfer News Live (@DeadlineDayLive) June 23, 2019