Салах ги израдува „црвените“: Не ме интересираат гласините, јас припаѓам на Ливерпул

Најдобриот фудбалер на Ливерпул оваа сезона проговори за гласините кои во последно време многу го поврзуваат со Реал Мадрид.

Салах во Ливерпул пристигна минатото лето од Рома и со „црвените“ потпиша договор вреден 36.9 милиони долари.

Во меѓувреме се почесто се појуваа гласини дека би можел кариерата да ја продолжи во Реал Мадрид.

„Прочитав и јас за интересот на Реал Мадрид, но тоа во овој момент не ме интересира. Среќен сум тука, сите одлично се однесуваат кон мене и се чуствувам како да припаѓам на Ливерпул. Тоа е се што имам да кажам“, изјави Салах.

Потоа Египѓанецот зборуваше и за наградата која ја доби од навивачите на Ливерпул за најдобар фудбалер во таборот на „црвените“ за декември.

„Многу сум среќен што повторно ја добив оваа награда. Секогаш е добро чуството да се освои оваа награда бидејќи тоа значи дека работењето се исплати. Но како што претходно кажав, најважни се победите, а ние се обидуваме тоа да го направиме во секој натпревар“, зборуваше Салах.