Познатиот агент Мино Раиола (53) води грижа за голем број фудбалски ѕвезди, а помеѓу нив е и Златан Ибрахимовиќ.
Раиола вчера беше прогласен за најдобар фудбалски менаџер во 2020 година. За новинарите Раиола зборуваше најмногу за Ибрахимовиќ. Во таа прилика тој истакна дека жали што го убедил Ибрахимовиќ да оди во Лос Анџелес Галакси.
Исхрана, повреди и тренинг – совети од доктор по спортска медицина | Уште еден поткаст
„Никогаш нема да си простам што го однесов Ибрахимовиќ во Лос Анџелес Галакси. Направив голема грешка во неговата и мојата кариера. За него тоа беше губење време, жал ми е што тие две години не играше во Европа“, изјави Раиола.
Златан играше во МЛС лигата за ЛА Галакси од 2018 до 2020 година и на 56 натпревари постигна 52 гола. Во јануари 2020 се врати во Милан на иницијатива на Паоло Малдини и Звонимир Бобан, овој потег на „росонерите“ се покажа како полн погодок.
Учество во игри на среќа е дозволено за лица со 18+ години. Играј одговорно!