Поранешниот тренер на Реал: Зошто фудбалерите да имаат предност во тестирањето за коронавирус?

Хозе Антонио Камачо не верува дека фудбалерите би требало да имаат предност кога во прашање е тестирањето на коронавирусот во споредба со останатите луѓе.

Фудбалот во Шпанија би требало да се врати во следниот месец, па фудбалерите масовно се тестираат за да се обезбеди сигурност во враќањето на терените.

На поранешниот тренер на Реал Мадрид некои работи не му се јасно. Камачо во интервју за „Радио Марка“ изјави дека не му е јасно зошто сите луѓе не се тестираат како и фудбалерите.

„Зошто фудбалерите се привилегирани? Зошто сите не можат да направат тест? Посебно оние кои се во првите борбени редови. Фудбалерите треба да тренираат поединечно така потешко би се заразиле. Ако фудбалот се врати ќе биде убаво затоа што луѓето ќе имаат во што да уживаат во ова лошо време“, изјави Камачо.