Победа и шест гола во Мадрид – првенец на Азар, мајсторија на Модриќ (ВИДЕО)

Реал Мадрид денес во рамките од Ла Лига играше против Гранада и славеше со 4:2.

Реал како лидер ја дочека второпласираната Гранада која е најголемото изненадување од почетокот на сезоната.

Во втората минута после асистенција од Бејл погоди Бензема, а во финишот на првиот дел Азар го постигне првенецот во Ла Лига.

На истекот на еден час игра Лука Модриќ со еден проектил од далечина зголемува на 3:0. Во тие моменти изгледаше дека Реал ќе запише сигурна победа. Сепак, Гранада покажа дека и во таква ситуација не се предава.

Во 69-тата минута Мачис од пенал намалува на 3:1, а Дуарте во 78-та минута погодува за 3:2. Гранада создаде неколку прилики, сепак Хамес Родригез во 92-та минута стрелаше за 4:2.