Официјално Мората го облече плавиот дрес

Шпанскиот фудбалер, Алваро Мората и официјално е нов фудбалер на Челси.

Иако Челси ја објави информацијата за договорот со Реал пред два дена, Мората дури денес ги мина лекарските прегледи и потпиша петгодишен договор.

Челси на Реал му плати 58 милиони фунти, а оваа цифра може да оди и до 70 милиони зависно од играта на Мората во плавиот дрес.

Шпанскиот репрезентативец ќе им се придружи на подготовките на Челси во Азија, а по потписот истакна дека е многу задоволен.

„Среќен сум што сум овде. Се чувствувам фантастично што сум дел од овој тим. Ќе работам напорно, ќе постигнам погодоци колку што ќе можам и ќе се потрудам да освојам што е можно повеќе трофеи“, истакна Мората по потпишувањето на договорот.