Искусниот италијански стручњак Фабио Капело, неодамна заработи отказ во кинескиот Џинагсу Сунинг, после серијата лоши резултати.
Веднаш после отказот медиуми започнаа да шпекулираат дека Капело е еден од кандидати за селектор на Италија, а се поврзуваше и со клупата на Арсенал како наследник на Венгер, но и изгледа нема да има ништо од тоа.
Легендарниот Италијанец порача дека не е кандидат за клупата на Италија и порача дека Џиангсу бил неговиот последен клуб во тренерската кариера. Изгледа дека искусниот Капело одлучил после неколку децении да оди во заслужена пензија.
„Селектор на Италија? Не, веќе имам искуство со Англија и Русија кога во прашање е селекторската работа и не би сакал да се впуштам во такво нешто. Моето искуство со Џиангсу Сунинг беше последно во кариерата и сега сакам само да уживам“, изјави 71 годишниот Капело.
Учество во игри на среќа е дозволено за лица со 18+ години. Играј одговорно!