Невидена еуфорија во Бергамо: Третина од жителите на градот вечерва ќе бидат на стадион во Милано!

Вечерва Аталанта ќе игра во осминафиналето од Лигата на шампионите на домашен терен против Валенсија.

Бидејќи стадионот на Аталанта во Бергамо „Атлети Де Аѕури“ не ги задоволува стандардите на УЕФА Аталанта игра на стадионот во Милано, „Сан Сиро“ или „Џузепе Меаца“.

Аталанта продаде 43.000 билети за овој натпревар тоа е нешто повеќе од половина на капациетот на стадионот, но е и дури една третина од вкупниот број на жители во Бергамо.

Според официјалните податоци градот има 122.000 жители па вечерва може да се каже дека во Бергамо ќе биде прилично пусто, а Аталанта на стадионот ќе има поддршка од околу 50.000 фанови.