Најдобриот играч и стрелец од белгиското првенство на мета на Арсенал

Oдличниот нигерски напаѓач Пол Онуачу би можел во зимскиот преоден рок да го напушти белгиски Генк.

Феноменалните настапи на нигерскиот напаѓач во последно време не останаа незабележани, па се поизвесен е негов трансфер во некоја од посилните европски лиги. Се поврзува со повеќе клубови, но како што стојат работите најблиску е до Премиер лигата.

Од претходно е познато дека Астон Вила е заинтересирана за него, а островските медиуми пренесуваат дека во борба за негов ангажман се вклучил и Арсенал. „Топџиите“ сакаат во јануари да ја засилат напаѓачката линија и во Онуачу гледаат идеална напаѓачка опција.

Во редовите на Генк тој пристигна во 2019 година од Мјитиланд. Минатата сезона беше одличен во Белгија и со 33 гола беше прв стрелец и го доби признанието за најдобар играч. И оваа сезона одлично ја отвори и после 18 натпревари веќе има 12 гола.